Ana səhifə Planet |
Rusiyanın ABŞ-da keçirilən prezident seçkilərinə müdaxilə etməsi ilə bağlı açılan istintaq Amerikanın rəzalətidir.
Axar.az xəbər verir ki, bu sözləri ABŞ Prezidenti Donald Tramp Federal Təhlükəsizlik Bürosunun prezident seçkiləri ilə bağlı istintaq materiallarının yayılmasına münasibət bildirərkən Tvitter hesabında qeyd edib. O bildirib ki, Federal Tədqiqatlar Bürosunun rəhbərləri təşkilatı siyasiləşdirir:
"Rus cadugər ovu davam edir. Nə gizli razılaşma, nə də istintaqa əngəl var. Bu, Amerikanın rüsvayçılığıdır. Ədliyyə Nazirliyində Rusiya istintaqı çərçivəsində aparılan sorğu Respublikaçılar Partiyasına zərər verir".
Qeyd edək ki, ABŞ Prezidenti Donald Tramp öz komandasının Rusiya ilə əlaqələrini araşdıran Federal Təhqiqatlar Bürosu və Ədliyyə Nazirliyinin rəhbərliyinin səlahiyyətlərindən sui-istifadəsi ilə bağlı Respublikaçılar Partiyasının hazırladığı hesabatı ictimaiyyətə təqdim edib. Sənəddə vəzifəsindən sui-istifadə edən ABŞ Federal Tədqiqatlar Bürosunun (FTB) direktor müavini Andryu Makkeyb komissiyaya verdiyi ifadədə Trampın köməkçisi Karter Peyc haqqında elektron təqib başlatdığını etiraf edib.
Tarix
2018.02.03 / 23:15
|
Müəllif
Nərmin Əkbərli
|