Türkiyə Hava və Kosmik Sənaye (TAİ) şirkətinin istehsal etdiyi ANKA tipli pilotsuz uçan aparatların peykdən idarəetmə qabiliyyətinə sahib olan yeni versiyası ANKA-S türk ordusuna təslim edilib.

Axar.az xəbər verir ki, testləri uğurla başa vuran 2 ədəd ANKA-S türk ordusunun ixtiyarına verilib.

ANKA-S milli uçuşa nəzarət, dost-düşmən tanıma sistemləri, təhlükəsizliyi və əməliyyat qabiliyyəti ilə aid olduğu sinfin ən qabaqcıl nümunələrindən biri kimi orduya qəbul edilib.

Avtomatik qalxma və enmə qabiliyyətinə sahib olan ANKA-S həmçinin qalxdığı yerdən asılı olmayaraq, təcili vəziyyətlərdə hərbi bazalara özü enə bilir.