17:32

Borisov (Bolqarıstanın Baş naziri), Yunker (AB komissiyasının sədri), Tusk (AŞ sədri) mənim köhnə dostlarımdır. AB-də məndən daha təcrübəli siyasətçi yoxdur, ancaq məni üzən bir şey var.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Avropa Birliyinə Bolqarıstanın sədrliyi dövründə Varna şəhərində keçiriləcək zirvə ilə bağlı gözləntilərindən danışarkən İtaliya mediasına deyib.

“Bütün dünyada olduğu kimi, Avropada da terror problemi var. PKK Avropa Birliyi və hər bir üzvü tərəfindən terror qruplaşması olaraq qəbul edilib. Ancaq sonra baxırsınız ki, bir qrup şəxs PKK əsgiləri ilə Avropa parlamentinə daxil olub. Bunlar olmamalıdır. Bir tərəfdən Avropa bu təşkilatı qadağan etdiyi halda, digər tərəfdən onların simvollarını parlamentə salan vəkillər var”, - Ərdoğan bildirib.

Qeyd edək ki, İtaliyanın "La Stampa" qəzetinə geniş müsahibəsində Ərdoğan "Zeytun budağı" əməliyyatı, Türkiyənin Avropa siyasəti. Qüds məsələsi də daxil olmaqla, çox önəmli məqamları açıqlayıb.