Yəməndə 3 ildir ki, davam edən fasiləsiz daxili müharibə Ebyen şəhərində 2 mindən çox insanın sığınacaqsız qalmasına səbəb olub.

Axar.az Anadolu Agentliyinə istinadən xəbər verir ki, bu barədə Qaçqınların Sığınacaq Komitəsinin rəhbəri Əhməd Seyid deyib.

Onun sözlərinə görə, Taiz və digər şəhərlərdən gələnlər sığınacaqların olmaması səbəbindən ağacların altında gecələyir:

“Sözügedən qaçqınların durumu olduqca ağırdır. Onların qidaya və dərmana ehtiyacları var. Bəziləri samandan özünə evlər düzəldib. Lakin bunlar nə soyuqdan, nə də istidən qoruyur. Xroniki və psixoloji xəstəliklərdən əziyyət çəkənlər də var”.