Ana səhifə Planet |
ABŞ Federal Ehtiyatlar Sisteminin (FES) yeni başçısı Jerom Rovell rəsmi olaraq vəzifəsinin icrasına başlayıb.
Axar.az xəbər verir ki, 65 yaşlı Rovell bu gün FES-in Vaşinqtondakı mərkəzində təşkil olunan andiçmə mərasimi ilə vəzifə başına keçib. O, yazılı açıqlamasında “Amerikalılara xidmət etmək imkanına sahib olmaqdan qürur və şərəf duyduğunu” ifadə edib.
FES-in 16-cı rəhbəri olan Jerom Rovellin 2012-ci ildən bəri birlikdə çalışdığı Canet Yellenin uğurlu pul siyasətini davam etdirməsi gözlənilir. Onun maliyyə sektorunda uğurlu karyerası sayəsində 55 milyon dollar sərvət qazandığı təxmin edilir. Beləliklə, Rovell bu göstərici ilə 1940-cı illərdən bəri FES-in ən zəngin başçısı olub. O, siyasət və hüquq sahələrində təhsil alıb və son 40 ildə bu vəzifəyə təyin olunan ilk şəxsdir ki, iqtisadiyyat sahəsində doktorluq dərəcəsinə malik deyil.
Tarix
2018.02.05 / 20:49
|
Müəllif
Kamran Ədalət
|