Niderlandın bir ilə yaxın müddət ərzində Türkiyəyə girişinə icazə verilməyən Ankaradakı səfiri Kees van Riji rəsmən geri çağırması iki ölkə arasındakı siyasi böhranı daha da gərginləşdirib. Buna baxmayaraq, rəsmi Ankara Niderland-Türkiyə münasibətlərinin normallaşması istiqamətində qarşı tərəfdən addımlar atılacağını gözləməkdədir.

Axar.az xəbər verir ki, bu sözləri Türkiyə XİN-in sözçüsü Hami Aksoy yaranmış vəziyyəti şərh edərkən deyib.

“Əgər Niderland tərəfi iki ölkə arasında münasibətləri normallaşdırmaq istiqamətində siyasi iradə nümayiş etdirərsə, Türkiyə tərəfi vəziyyəti dəyərləndirməyə hazırdır”, - o bildirib.

Qeyd edək ki, ötən ilin mart ayından iki ölkə arasında siyasi böhran hökm sürür.