Ana səhifə Planet |
13:17
Türkiyənin Müdafiə naziri Nurəddin Canikli bu gün NATO müdafiə nazirləri toplantısı çərçivəsində Pentaqon rəhbəri Ceyms Mettislə görüşəcək.
Axar.az xəbər verir ki, görüş Ankara vaxtı ilə 20:00-da Brüsseldə keçiriləcək.
Pentaqon rəhbəri Ceyms Mettislə Nurəddin Caniklinin görüşündə “Zeytun budağı” əməliyyatı və Menbiç məsələsinin müzakirə ediləcəyi gözlənilir.
***
Brüsseldə Türkiyənin Müdafiə naziri Nurəddin Canikli və ABŞ-ın Müdafiə naziri Ceyms Mettis arasında görüş keçirilir.
Görüşdə Suriya ərazisində həyata keçirilən “Zeytun budağı” antiterror əməliyyatı, ABŞ-ın Türkiyəyə qarşı olan terror təşkilatlarına yardım etməsi səbəbindən iki ölkə arasında yaranmış gərginliyə dair məsələlər və s. ətrafında müzakirələr aparılır.
Qeyd edək ki, son günlər Türkiyə rəsmiləri fasiləsiz olaraq bu ölkənin sərhəd qonşuluğunda PKK/PYD/YPG/İŞID terror qruplaşmalarına hərtərəfli yardım göstərilməsini əsas tutaraq ABŞ tərəfini kəskin ittiham edirlər.
***
Canikli ilə Mettis arasında görüş başa çatıb.
Görüşün 50 dəqiqə davam etdiyi bildirilib. Hansı məsələlərin müzakirə edildiyi barədə məlumat verilməyib.
Qeyd edək ki, bu gün Canikli İspaniya Müdafiə naziri Mariya Doloreslə də görüşəcək.
Tarix
2018.02.15 / 00:26
|
Müəllif
Orxan Tağıyev
|