Ana səhifə Planet |
Rusiya və Türkiyə arasında 2020-ci ildə 2-ci dəfə S-400 anlaşmasının imzalanması planlaşdırılır.
Axar.az xəbər verir ki, bu barədə “Milliyət” Rusiyanın müdafiə və diplomatik çevrələrinə yaxın mənbəyə istinadən yazıb.
Məlumata görə, iki ölkə arasında 2020-ci ildə ilk müqavilənin şərtlərinə əsasən S-400 zenit-raket komplekslərinin təhvil-təslim məsələləri yekunlaşdıqdan sonra yeni sazişin imzalanması nəzərdə tutulur. İkinci müqaviləyə əsasən, raket komplekslərinin Türkiyəyə 2021-ci ilin sonuna qədər təhvil verilməsi və rəsmi Ankaranın bir sıra istehsal hüquqları əldə etməsi gözlənilir. Belə ki, türk şirkətləri S-400-lərin bəzi hissələrini Rusiyadan alınacaq lisenziya əsasında istehsal edə biləcək.
Mənbə həmçinin Türkiyəyə istehsalına icazə veriləcək hissələrin kritik önəmə sahib olmayacağını da bildirib.
Qeyd edək ki, Türkiyə ilə Rusiya arasında S-400 müqaviləsinin imzalanması NATO və xüsusən də ABŞ-ın böyük narahatlığına səbəb olmuşdu.
Tarix
2018.02.14 / 13:30
|
Müəllif
Orxan Tağıyev
|