Türkiyənin Adana şəhərində “Zeytun budağı” əməliyyatı ilə bağlı sosial şəbəkələrdə böhtan xarakterli materiallar paylaşan və terror təbliğatı apararaq, insanları küçələrə axışmağa səsləyən şəxslərin saxlanması istiqamətində əməliyyat keçirilib.

Axar.az xəbər verir ki, əməliyyat Türkiyənin Terrorla Mübarizə polisi tərəfindən təşkil edilib.

Əməliyyat nəticəsində 14 fərqli ünvana eyni zamanda basqın edilib və çoxsaylı şübhəli saxlanılıb.

Qeyd edək ki, Türkiyənin Afrində xüsusən sivil insanları öldürməsi barədə PKK tərəfdarlarının sosial şəbəkələrdə böhtan xarakterli informasiya və saxta şəkillər paylaşdığı bildirilib.