Paytaxt Moskvaya yaxın Rusiyanın Tver vilayəti ərazisindəki meşə yanğınları sürətlə ətrafa yayılmaqdadır.

Axar.az-ın Rusiya mətbuatına istinadən xəbərinə görə, şiddətli yanğınlar qatı tüstü yaradıb. Rusiya Fövqəladə Hallar Nazirliyinin sözügedən bölgə üzrə yerli bölməsi də məsələdən ciddi narahatlığını bildirib. Sosial şəbəkələrdə məsələni gündəmə gətirən yerli sakinlər, ötən yanğınlardakı kimi, tezliklə Moskva şəhərinin səmasını qatı tüstünün bürüyəcəyini vurğulayıblar. Ötən gün isə alov yaxınlıqdakı Dmitrov, İstrı və Klini kimi rayonlara sirayət edib.

Xatırladaq ki, mütəxəssislər 2010-cu ildə olduğu kimi, torf örtüyünün yanması səbəbindən qatı tüstü fəlakətinin Moskvada təkrarlanacağını istisna etmirlər.