İyulun 31-də Xarkov vilayəti də daxil olmaqla Ukraynanın əksər bölgələrində Rusiya kəşfiyyatının yerli sakinlər arasında ciddi təxribatları olub.

Axar.az xəbər verir ki, bu barədə Anti-terror Əməliyyatları Qərargahı məlumat yayıb. Hazırda vətəndaşlar vahimə içindədir. Məsələn, Xarkovda belə bir şayiə yayıblar ki, gənclər Ukrayna ordusuna məcburi şəkildə, zorla aparılırlar. Guya milis əməkdaşları vağzallardan və insanların gur olduğu digər məkanlardan gəncləri saxlayaraq, hərbi maşınlara mindirirlər.

Xatırladaq ki, bu təxribatları önləmək üçün Anti-terror Əməliyyatları Qərargahı xüsusi müraciətlə çıxış etmək məcburiyyətində qalıb. Bildirilib ki, bütün sahələrədə olduğu kimi, əsgərliyə, orduya çağırılma da Ukrayna qanunları çərçivəsində ölkə prezidenti və müvafiq dövlət qurumlarının qərarları və hərəkətləri əsasında həyata keçirilir.