ABŞ Prezidenti Barak Obama ilə İsrail Baş naziri Benyamin Netanyahu arasında yayılan telefon danışığının gerçəyi əks etdirmədiyi iddi edilir.

Axar.az xəbər verir ki, ABŞ və İsrail səlahiyyətli nümayəndələri yayılan telefon danışığının saxta olduğunu irəli sürürlər. Obama və Netanyahu arasındakı telefon danışığının stenoqramını yayımlayan İsrailin "Kanal-1" televiziyası isə geri addım atmaq niyyətində deyil. Kanal yayımlanan stenoqramın saxta olmadığını, iki lider arasında gedən danışığın bütün detallarını dəqiqliklə yayımladığını və bunun gerçəyi əks etdirdiyini bəyan edib.

Bazar günü yayımlanan telefon danışığının qeydlərində Obamanın Netanyahudan birtərəfli olaraq atəşkəsi dayandırmağı tələb etdiyi bildirilir. Obama İsrailin hücumları dayandıracağı qarşılığında HƏMAS-ın raket zərbələrini endirməyəcəyinə inandığını vurğulayır.