Rusiya hərbçiləri Ukrayna ilə sərhədin bir kilometrliyində "Osa" tipli zenit kompleksi yerləşdirib.

Axar.az xəbər verir ki, bu barədə Ukrayna Təhlükəsizlik və Müdafiə Xidmətinin İnformasiya Mərkəzinin rəhbəri Andrey Lısenko məlumat yayıb. Onun sözlərinə görə, kompleks Ukraynanın Şevçenko qəsəbəsinin yaxınlığında quraşdırılıb.

Qeyd edək ki, kompleks 4-6 ədəd idarə olunan raketlərlə təchiz olunub. Sürəti 420 km/saat-a çatan raketlər hədəfi 9 km-də vurmaq dəqiqliyinə malikdir. Lısenko hazırda sərhəddə vəziyyətin gərgin olaraq qaldığını bildirib.