Türkiyə Baş naziri və prezidentliyə namizəd R.T.Ərdoğanın xidməti olaraq istifadə etdiyi avtomobilin nömrəsi saxta çıxıb.

Axar.az xəbər ki, Ərdoğanın xidməti avtomobilinin nömrəsinin başqa bir avtomobilə məxsus olması barədə məlumatı "Cümhuriyyət" qəzeti yayıb. E-Dövlət üzərindən aparılan araşdırmada Ərdoğanın istifadə etdiyi avtomobildəki nömrənin 2009-cu il istehsalı olam boz "Fiat"a aid olduğu üzə çıxıb.

Baş nazir Ərdoğan bugünkü seçki kampaniyasına xidməti avtomobili ilə deyil, şəxsi miniyi ilə gəlib. Vandakı mitinqə "06 BV 8534" nömrəli "Mersedes" markalı avtomobillə gedən Ərdoğan şəxsi təyyarəsindən də istifadə etməyib.

Xatırladaq ki, Ərdoğanın 1994-cü ildə bələdiyyə seçkiləri üçün apardığı seçki kampaniyasında istifadə etdiyi 1992-ci il istehsalı olan "Mersedes 300 SE" markalı avtomobilin "34 RTE 54" nömrəsi də saxta çıxıb. Nömrədəki RTE Ərdoğanın ad və soyadının ilk hərflərini, 54 isə 1954-ci ildə doğulduğunu göstərirmiş.