İraq Kürd Regional rəhbəri Məsud Bərzani "İraq Şam İslam Dövləti" təşkilatına qarşı savaş elan edib.

Axar.az xəbər verir ki, Mosulda Suriya sərhədinə dəhliz açmaq üçün peşmərgələrə qarşı hücuma keçən İŞİD-lə qarşıdurmalar davam edir. Qarşıdurmaların kəskin xarakter alması bölgədəki sakinləri evlərini tərk etmək məcburiyyətində qoyub. Yüzlərlə ailə Sincar və Zımar bölgəsindən Dohuk, Zaho və Ərbilə köç edir.

Peşmərgə qüvvələrinin əməliyyatına Məsud Bərzaninin oğlu Məsrur Bərzani başçılıq edir. Bərzani Mosul yaxınlığında bəzi strateji mövqelərin ələ keçirilməsi barədə təlimat verib.