Azərbaycanlı milyarder Vahid Ələkbərova məxsus "Lukoyl" şirkəti Ukraynanın ardınca daha 3 ölkədə yanacaqdoldurma məntəqələrini satışa çıxarıb.

Axar.az xəbər verir ki, "Lukoyl" Çexiya, Slovakiya və Macarıstandakı yanacaqdoldurma məntəqələrinin satışı ilə bağlı "MOL Plc." və "Norm Benzinkut Kft" şirkətləri ilə razılığa gəlib. Çexiyada yerləşən 44 yanacaqdoldurma məntəqəsi "Slovnaft Ceska Republica, Spol. S.R.O." ("MOL Plc."in törəmə şirkəti) şirkəti tərəfindən alınacaq.

"Norm Benzinkut Kft" isə "Lukoyl"un Macarıstanda 75, Slovakiyada isə 19 yanacaqdoldurma məntəqəsini alacaq. Satışın 2014-cü ilin sonuna kimi həyata keçiriləcəyi gözlənilir.