Vaşinqton Britaniyada Rusiya Baş Kəşfiyyat İdarəsinin keçmiş əməkdaşı Sergey Skripal və qızının zəhərlənməsi məsələsini diqqətlə izləyir.

Axar.az xəbər verir ki, bunu jurnalistlərə açıqlamasında Ağ Evin mətbuat katibi Sara Sanders söyləyib.

“Britaniya vətəndaşına qarşı Britaniya ərazisində sinir iflicedici vasitənin tətbiqi özbaşınalıqdır. Hücum məsuliyyətsiz və diskriminasiya xarakteri daşıyırdı. Biz qətiyyətlə bunu qınayırıq”, – deyə o bildirib.

ABŞ Dövlət katibi Reks Tillerson isə yaydığı bəyanatda Britaniya hökumətinin Rusiyanı ittiham edən çıxışları ilə razılaşdığını deyib:

“Biz Britaniyanın apardığı araşdırmadan və bu insidentə görə Rusiyanın məsuliyyət daşımasından əminik. Bu hücuma heç vaxt haqq qazandırmaq olmaz. Rusiya indi də Britaniyada məsuliyyətsiz qüvvə olmağa davam edir. Moskva aşkar şəkildə digər dövlətlərin suverenliyini təhdid edir”.

Qeyd edək ki, ötən gün Britaniya Baş naziri Tereza Mey Skripalın zəhərlənməsində Rusiyanın məsuliyyət daşıdığını rəsmən bəyan edib.