Martın 19-da ABŞ Dövlət katibi Reks Tillersonla nəzərdə tutduğumuz görüş təxirə salına bilər.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu deyib.

Onun bu açıqlaması Türkiyənin Menbiçi terrorçulardan təmizləmək planının təxirə düşməsi ehtimalını gündəmə gətirib. Belə ki, ABŞ Dövlət katibi Reks Tillersonun Türkiyəyə səfəri zamanı Menbiçdə Ankara ilə təhlükəsizliyə birgə nəzarət etmək barədə razılıq əldə edilmişdi. Tərəflərin martın 19-da bu məsələsini yenidən müzakirə edəcəyi gözlənilirdi.

Qeyd edək ki, ABŞ Prezidenti Donald Tramp ötən gün Tillersonu vəzifədən azad edib.