Rusiya Prezidenti Vladimir Putin ABŞ və Qərbə qarşı sanksiyalarla bağlı fərman imzalayıb.

Axar.az xəbər verir ki, bu barədə Rusiya mediası dövlət başçısının rəsmi saytına istinadən xəbər yayıb. Avqustun 5-də hökumətə sanksiyaların hazırlanması göstərişini verən Putin bu məsələnin yerinə yetirilməsini rəsmiləşdirib. Verilən qərarda deyilir ki, məqsəd Rusiyanın təhlükəsizliyinin təmin olunmasıdır.

Qərbə qarşı tətbiq olunan sanksiyalar siyahısında iqtisadi sferalarla yanaşı, daha çox yeyinti məhsullarının Rusiya ərazisinə gətirilməsinin qarşısının alınması yer alıb. Hazırda daha dəqiq və konkret işlərin görülməsi üçün müxəlif monitorinqlərin aparılmasına göstəriş verilib. Bir məqam dəqiqdir ki, Avropadan meyvə və tərəvəz məhsullarının, ABŞ-dan isə kənd təsərrüfatı təyinatlı ərzağın Rusiyaya gətirilməsinə tam qadağa qoyulub.

Məsələ ilə əlaqədar münasibətini açıqlayan bəzi ekspertlər isə verilən fərmanın Rusiyanın özünün əleyhinə işləyəcəyini bildiriblər.