13:06

Tehranın Mehrabad hava limanının 4 kilometrliyində partlayan İran-140 (An-140) kiçiktutumlu təyyarəsində sağ qalmış sərnişinlər var.

Axar.az xəbər verir ki, bu barədə İran Nəqliyyat nazirinin köməkçisi Əli Reda Cahangiryan Fars agentliyinə bildirib.

Onun sözlərinə görə, sərnişinlər içində yaralı da var və onlar xəstəxanaya yerləşdirilib.

Cahangiryan bildirib ki, təyyarə havaya qalxandan sonra istiqamətini dəyişib.

"Təyyarə meşə ərazisinə düşdüyündən, əlavə ölüm və dağıntı yoxdur", - deyə Cahangiryan bildirib.

Xatırladaq ki, bu gün İran-140 təyyarəsinin partlaması nəticəsində sərnişinlərin hamısının öldüyü bildirilmişdi. Təyyarədə 40 sərnişin və 8 ekipaj üzvü olub.

Hazırda 10 meyitin hadisə yerindən götürüldüyü bildirilir və yaralı sərnişinlər də tapılıb.

***

Qəzadan 9 nəfərin sağ qaldığı və onların xəstəxanalara yerləşdirildiyini İRNA agentliyi açıqlayıb. Agentlik yaralıların vəziyyəti barədə məlumat verməyib.