Hələlik Rusiya öz birliyini qoruyub saxlaya bilir, amma ölkədə bir neçə region var ki, buranın yerli elitası tərəfdən böyük risklər yarana bilər.

Axar.az xəbər verir ki, bunu “Obozrevatel” saytına açıqlamasında rusiyalı jurnalist Yevgeni Kiselyov deyib. Onun sözlərinə görə, Rusiya üçün ən böyük problemi Şimali Qafqaz, Primorye və Uzaq Şərq yarada bilər:

“Şimali Qafqaz yenidən alovlana bilər. Rusiyanın Primorye, Uzaq Şərq kimi regionları ilə də nə zamansa problemlər yarana bilər. Buranın özünə uyğun ənənəsi var. Bir zamanlar burada Uzaq Şərq respublikası mövcud olub. Hazırda Yaponiyadakı iqtisadi vəziyyət Uzaq Şərq insanı üçün ondan minlərlə kilometr uzaqda yerləşən Moskvada baş verənlərdən daha önəmlidir.

Təkrar edirəm: yerli millətin əksəriyyət təşkil etdiyi böyük muxtar respublikalarda gərginlik ola bilər. Bu sırada mən Tatarıstan və Başqırdıstan, bir sıra Şimali Qafqaz respublikalarını görürəm. Dağıstanda başlayan millətlərarası fikir ayrılığının yatırılması üçün milliyətcə rus olan Vladimir Vasilyevin göndərilməsi təsadüfi deyil”, – deyə o bildirib.