Rusiyanın bu il öz silahlanmasına “Drel” aviasiya bombasını qəbul etmək istəməsi Kreml tərəfindən növbəti aqressiya siqnalı kimi qəbul edilməlidir.

Axar.az xəbər verir ki, bu barədə informasiyanı Britaniyanın “Deyli Ekspress” qəzeti yayıb. Məqalədə Rusiyanın beşinci nəsil təyyarəsi sayılan Su-57-lər üçün nəzərdə tutulan bombanın üçüncü dünya müharibəsini başlatmaq imkanlarını daha da artırdığı bildirilib:

“Bu bomba vasitəsilə 30 kilometr məsafədəki obyektlərə düşmənin hava məkanına girmədən zərbə endirmək olar. Belə bir bomba tank kolonu və ya raket batareyasını məhv etmək üçün yetərlidir. Digər tərəfdən, “Drel” radarlar üçün də görünməzdir. Maraqlı məqam odur ki, Rusiya özünün yeni bombası haqqında Skripalın zəhərlənməsindən az sonra informasiya yaydı (əslində Rusiya bu bombasını 2015-ci ildə təqdim edib – red.)”.