Ermənistanın Şirak vilayətinin Aşotsk hərbi komissarlığının silah anbarından silah-sursat oğurlanıb.

Axar.az xəbər verir ki, bu barədə “Joxovurd” qəzeti məlumat yayıb.

Məlumata görə, komissarlığın silah anbarından 2 avtomat silahı və 48 güllə naməlum şəkildə yoxa çıxıb.

“Hər şey növbənin dəyişməsi zamanı üzə çıxdı. Növbəni təhvil alan hərbçi çatışmazlıq görüb və hüquq-mühafizə orqanlarına məruzə edib. Hazırda hərbi komissarlıqda hadisənin necə baş verməsi araşdırılır”, - qəzet bildirib.

Hərbi komissar Levon Karapetyan hadisədən şoka düşüb:

“Hadisənin necə baş verdiyini bilmirəm. İnanın, mən heç nə gizlətmirəm”, - o, qəzetə verdiyi açıqlamasında deyib.