18 mart prezident seçkisi Rusiya tarixinin ən şəffaf seçkisi olub.

Axar.az xəbər verir ki, bunu Rusiya Mərkəzi Seçki Komissiyasının rəhbəri Ella Pamfilova ilə görüşü zamanı Rusiya Prezidenti Vladimir Putin deyib.

“Bu iş təkcə texniki baxımdan yox, həm də təşkilati baxımdan ən yüksək səviyyədə keçirilib. Artıq çoxlarının da dediyi kimi, bu bizim tariximizin ən şəffaf, ən təmiz seçkisidir”, – deyə o bildirib.

Qeyd edək ki, Rusiyada prezident seçkisi martın 18-də keçirilib. Seçkidə Putin 76% səslə qalib gəlib. Müxalifət seçkidə total saxtakarlığa yol verildiyini açıqlayıb.

Ella Pamfilova Putinə bu gün prezident vəsiqəsini təqdim edib.