"Prezident Vladimir Putin Ukrayna məsələsində çox irəli gedib və Rusiya bundan itkisiz ötüşməyəcək".

Axar.az xəbər verir ki, bu sözləri Gürcüstanın eks-prezidenti Mixail Saakaşvili Ukrayna kanallarından birinə müsahibə verərkən söyləyib.

Eks-prezident Ukrayna məsələsində Rusiyanın perspektivinin olmadığını bildirib:

"Son aylar Ukraynaya səfərim çox olub. Əslində, ukraynalılar müharibəni ən az istəyirlər. Lakin bu, ukraynalıların seçimi deyil. Düşünürəm ki, Rusiyanın perspektivi yoxdur. Putin elə bir əraziyə daxil olub ki, oradan bütöv çıxmaq mümkün deyil. Krımın işğalı ona yetərincə asan göründü. Bu səbəbdən elə bildi ki, Ukraynanın digər əraziləri də belə asan olacaq. Ukraynanın şərqi, cənubu və ümumiyyətlə, bütöv Ukrayna təslim olacaq və Böyük Rusiya imperiyası yenidən bərpa olacaq".