Rusiya Hərbi Hava Qüvvələri Belorusdakı Baranoviç aviabazasını genişləndirmək niyyətindədir. Genişləndirmə işləri Rusiya və Belorus hökumətləri arasında əldə olunan razılaşmadan sonra aparılacaq.

Axar.az xəbər verir ki, bu barədə Rusiya Hərbi Hava Qüvvələrinin komandanı general-polkovnik Viktor Bondaryov bildirib.

"Baranoviçdə baza yaradacağıq, bunun üçün hər şey var, təkcə hökumətlər arasında sazişin əldə olunmasını gözləyirik. Bundan sonra işə tam başlayacağıq", - deyə Bondaryov bildirib.

Onun sözlərinə görə, tikilən yeni bazada Su-27 qırıcıları yerləşdiriləcək.

Qeyd edək ki, bir müddət əvvəl Rusiyanın Müdafiə naziri Sergey Şoyqu Belorus Prezidenti Aleksandr Lukaşenko ilə görüşündə Rusiyanın 2015-ci ildə bu ölkədəki aviabazasını genişləndirmək niyyətində olduğunu bildirmişdi.