Braziliyada dövlət məmuru olmaq istəyən qadınlardan sağlamlıq müayinəsi daxilində bakirəlik testi etdirmələri də istənilir.

Axar.az xəbər verir ki, dövlət qulluğu üçün müraciət edən 25 yaşından kiçik qadınlara bakirəlik testi edilməsi Braziliyada çoxlu müzakirələrə səbəb olub.

Əldə olunan məlumatlara görə, 2012-ci ildən bəri tətbiq olunan bu "qanun" haqqında qadın hüquqları müdafiəçiləri sərt tənqidlər səsləndirib. Mövzuyla bağlı açıqlama verən qadın hüquqları müdafiəçisi Anna Paula bu "qanun"un qadın hüquqları və məhrəmiyyətinin pozduğunu bildirib. Qadınlardan belə testin istənilməsinin konstitusiyaya zidd olduğu deyilir.

Yerli qəzetlərin birində çıxan bakirəliklə bağlı bu xəbər bir anda ölkənin gündəmini dəyişib və məsul şəxslər haqqında istintaq başladılıb.