Səudiyyə hökuməti Türkiyədə canlı bomba olaraq istifadə ediləcək iki uşağı axtarır.

Axar.az xəbər verir ki, Səudiyyə Ərəbistanında yaşayan Nasər əl Şayəq adlı ata uşaqlarından canlı bomba kimi istifadə etmək qərarına gəlib. Ata 10 və 11 yaşlarında olan Abdullah ilə Əhməd adlı iki oğlunu İŞİD xadimlərinə təhvil vermək üçün Türkiyəyə gətirib. Uşaqlarını İŞİD xadimlərinə təhvil verən ata evdən çıxarkən həyat yoldaşına istirahətə getdiyini deyib.

Uşaqların anası isə məsələdən yalnız həyat yoldaşı İnstaqramda şəkil paylaşdıqdan sonra xəbər tutub. Ata uşaqlarının canlı bomba kimi istifadə edilərək Allah yolunda şəhid olacağını bildirib.

Artıq Səudiyyə hökumətinin Türkiyə rəsmiləri ilə əlaqəyə keçdiyi və uşaqların tapılması üçün yardım istədiyi açıqlanıb.