Rusiya Federal Təhlükəsizlik Xidməti (FTX) Krım məscidlərində axtarışlara başlayıb.

Axar.az xəbər verir ki, bu barədə Krım Müsəlmanlarının Dini İdarəsinin mətbuat xidmətindən məlumat verilib.

"Bir neçə həftədir ki, İslam tədris mərkəzlərində, din xadimlərinin evlərində qadağan olunmuş dini ədəbiyyat saxlanıldığı bəhanəsilə yoxlama və axtarışlar aparılır", deyə məlumatda bildirilib.

Krım Müsəlman Müftisinin müavini Ayder İsmayılov bildirib ki, Ukrayna ərazisində qadağan olunmuş ədəbiyyatla bağlı siyahı yox idi, ona görə də hüquq-mühafizə orqanları faktı diqqətdə saxlayırlar.

"Qeyd edim ki, bu kitablar ümumidir, sekta istiqamətli deyil. Onlar Moskvada çap olunub və Rusiya mağazalarında olduğu kimi burada da satılır", - deyə İsmayılov bildirib.