"Humanitar yardım aparan Rusiya karvanı naməlum istiqamətdə yoxa çıxıb".

Axar.az xəbər verir ki, bu barədə Ukrayna prezidentinin müşaviri Sergey Kuniçın məlumat verib.

O, yardım karvanının daha bir neçə dəstəyə bölündüyünü bildirib:

"Hazırda kolonnanın naməlum istiqamətdə yoxa çıxdığı məlumdur. Deyilənə görə, həmin dəstə bir neçə hissəyə bölünüb".

Amerika Birləşmiş Ştatlarının Dövlət Departamenti isə Rusiyanın humanitar yardımının Qırmızı Xaç və Ukrayna hakimiyyətinin nəzarəti altında olmasının vacibliyini söyləyib.

"Biz yük maşınlarında nə olduğunu bilmirik. Ukrayna hökumətinin icazəsi olmadan heç nə ola bilməz. Yüklərlə bağlı yekun qərarı onlar qəbul etməlidir. Buna görə də Rusiya tərəfindən göstərilən hər hansı yardım müvafiq gömrük rəsmiləşdirilməsindən keçməli və tərəflər arasında razılaşdırılmış şəkildə BQXK tərəfindən nəzarət olunmalıdır", - deyə ABŞ Dövlət Departamentinin nümayəndəsi Mari Harf bildirib.