ABŞ-ın eks-prezidenti Corc Buşun həyat yoldaşı Barbara Buş xəstəxanaya yerləşdirilib.

Axar.az xəbər verir ki, Barbara Buş yeni müalicə metodlarının istifadəsindən imtina edib. Keçmiş birinci xanım müalicə əvəzinə ömrünün qalan günlərini ailəsinin qayğısı altında keçirmək istədiyini bildirib.

“O, çox sevdiyi ailə üzvlərinin əhatəsindədir. Ünvanına gələn xoş sözləri, xüsusən insanların dualarını yüksək qiymətləndirir”, - prezident ailəsinin təmsilçisi deyib.

Barbara Buşun xəstəliyi barəsində informasiya verilməyib.

Qeyd edək ki, ötən gün ABŞ mediası səhvən Barbara Buş haqda nekroloq yayımlamışdı.