Ana səhifə Planet |
ABŞ Suriyada Türkiyəyə alternativ müttəfiq axtarışındadır.
Axar.az xəbər verir ki, bu sözləri siyasi ekspert Oytun Orxan Sputnik-ə açıqlamasında deyib.
“Amerika YPG nəzarətində Suriyada öz varlığını təminat altına almaq üçün yeni müttəfiq axtarışındadır. Türkiyə ən optimal müttəfiq idi, lakin YPG faktoru səbəbindən baş tutmadı. Digər tərəfdən, Türkiyədən əlavə, Rusiya, İran və Suriya rejiminin də YPG üzərində basqıları artır. Ən önəmli məqam ondan ibarətdir ki, regionun əsas əhalisi ərəblər olsa da, ABŞ burada kürd azlığını dəstəkləyir və əsas məqsəd İrana qarşı bufer zona yaratmaqdır. Vaşinqton da bunun fərqindədir və düşünür ki, buradan çıxarsa, YPG təkbaşına bu ərazilərdə mövcudluğunu qoruya bilməyəcək. O səbəbdən güclü müttəfiq axtarır”, - Orxan bildirib.
Ekspert əlavə edib ki, Türkiyəyə alternativ olaraq Misir, yaxud ərəb ölkələrindən biri ABŞ-a müttəfiq kimi seçilə bilər.
Tarix
2018.04.17 / 20:50
|
Müəllif
Kamran Ədalət
|