Üzərlərində "Sağ sektor"a aid üzvlük vəsiqəsi olan və silah daşıyan 5 Ukrayna vətəndaşı Xmelnitski vilayətində ələ keçib.

Axar.az xəbər verir ki, Daxili İşlər nazirinin müşaviri Anton Geraşenko Feysbuk səhifəsində bu barədə yazıb və qeyd edib ki, avtomobildə 4 ədəd qeydiyyatdan keçmiş ov tüfəngindən başqa avtomat AKS-74 (4 ədəd), qranatamyot (10 ədəd), əl qumbarası (12 ədəd) VOQ-17 və UZRPM üslubunda əldəqayırma partladıcı (2 ədəd), tapança və s. silahlar aşkarlanıb.

Saxlanılan "Sağ sektor" üzvlərinin silahları DİN-ə təhvil vermək üçün apardıqları "məlum olub":

"Xatırlayırsızsa, bir neçə gün öncə Lvov vilayətində bu təşkilatın 3 üzvündən xeyli silah-sursat tapılmışdı. İndi isə "bu silahları hara aparırsınız" sualına "milisə təhvil verməyə" cavabını alırıq, – deyə Geraşenko ironiya edib. – Görəsən, niyə Antiterror Əməliyyatının aparıldığı sərhədlərdə bu silahlar təhvil verilməyib?"

Xatırladaq ki, "Sağ sektor" rəhbəri Dmitri Yaroş Ukraynanın şərq ərazilərindən, antiterror əməliyyatları gedən bölgələrdən silahların çıxarılmasını öz üzvlərinə qadağan etmişdi.