Berlində Rusiya, Almaniya, Fransa və Ukrayna xarici işlər nazirlərinin görüşü başlayıb.

Axar.az "İtar-tass"a istinadla xəbər verir ki, Sergey Lavrov, Frank Valter Ştaynmeyer, Loran Fabius və Pavel Klimkinin "Borzinq" vilasında görüşü parkda gəzinti ilə başlayıb.

Gəzintidən sonra nazirləri şam yeməyi və müzakirə gözləyir. Mövzu – Ukraynanın şərqindəki krizisin həllini tapmaq, prioritet isə sərhəd təhlükəsizliyi və Rusiyadan Ukraynaya silah və muzdluların göndərilməsinin dayandırılmasıdır.

Politoloqlar müzakirələrin kifayət qədər gərgin keçəcəyini proqnozlaşdırırlar. Amma bu danışıqların başlamasının özü belə müsbət qiymətləndirilir.