"Krım Ukraynanın ayrılmaz parçasıdır və gərək Kiyevin nəzarətinə qaytarılsın".

Axar.az xəbər verir ki, bu açıqlama ilə Moskva Patriarxlığının nəzarətində olan Ukrayna Pravoslav Kilsəsinin nümayəndəsi Georgi Kovalenko çıxış edib.

O, Krımla bağlı məsələdə tamamilə Ukrayna hökumətinin mövqeyini müdafiə etdiklərini bildirib:

"Krım Ukraynaya qaytarılmalıdır. Bizim Krımda Ukrayna Pravoslav Kilsəsinə tabe olan Simferopol iyeparxiyası var. Bu mövqeyi Moskva Patriarxlığı da müdafiə edir. Məhz onlar bir müddət öncə bəyan etmişdilər ki, dövlət sərhədləri heç də həmişə kilsə sərhədləri ilə üst-üstə düşmür".