Çeçenistan lideri Ramzan Kadırov mobil telefonunu itirib və buna görə, minlərlə insan istintaqa çağırılıb.

Axar.az xəbər verir ki, bu barədə "Memorial" hüquq müdafiəsi mərkəzindən məlumat verilib.

Məlumata görə, avqustun 16-da Çeçenistanın Şalin rayonundakı aulların birində Şira-Yurt etnoqrafik kompleksin açılışında Kadırov da iştirak edib.

Mərasimdən əvvəl Kadırovun mühafizəsi gələn qonaqları ciddi şəkildə üstünü yoxlayıb, nəqliyyat vasitələri isə prezidentin olduğu yerdən 1 kilometr məsafədə saxlanılıb.

Tədbirdən sonra məlum olub ki, Kadırovun mobil telefonu itib.

"Bu barədə gələn qonaqlara səsgücləndiricilər vasitəsilə məlumat verilib. Daha sonra gələnlərdən Kadırovun telefonunu görüb-görmədikləri soruşulub. Bu da heç bir nəticə verməyib. Qonaqlar evlərinə getdikdən sonra mərasim təşkilatçılarının evlərinə zəng olunub və onlardan iştirakçılar haqda məlumat vermələri tələb olunub", - məlumatda bildirilib.

Yerli sakinlər isə bildiriblər ki, avqustun 17-si gecəsi isə polis və rayon administrasiya rəhbərliyi minlərlə insanı istintaqa çağıraraq, onlardan Kadırovun telefonunun yerini soruşublar. Hətta çağırılanlar arasında azyaşlılar da olub. Çağırılanların əksəriyyəti səhərə yaxın evlərinə qayıda bilib.