Çeçenistandan Donetskdə qanlı terror əməliyyatları hazırlamaq üçün çeçen döyüşçüləri gətirilib.

Axar.az xəbər verir ki, onların yalnız müsəlmanlardan ibarət olduğu deyilir.

"Bir müddət əvvəl Donetskə gətirilən Qafqazdan olan döyüşçülər şəhərdə sərbəst gəzir və özlərini xilaskar adlandırırlar. Onlar terror aktlarından danışır", - şəhər sakinlərindən biri məlumat verib.

Onun sözlərinə görə, terror aksiyalarının həyata keçirilməsi üçün də plan qurulub:

"Hər şey elə görünməlidir ki, guya ukraynalılar banderlər və millətçilərin adından bura öldürməyə gəliblər. Onsuz da separatçılar Ukrayna ordusuna qarşı döyüşlərdə ciddi itkilər verir. Yerli əhali arasında onlara dəstək yoxdur. Buna görə də, onlar yerli əhalinin onlara olan inamını qaytarmaq üçün göstərmək istəyirlər ki, ukraynalılar kamikadzelərdən istifadə edərək əhalini öldürürlər. Mən bilmirəm onlar kimdir, bu işdə kimdən istifadə edəcəklər. Amma dəqiq bilirəm ki, separatçılar planlarını həyata keçirmək üçün məhz bu ssenaridən istifadə edəcəklər".