İŞİD terrorçuları ABŞ jurnalistini edam etdikdən sonra təşkilatın qadın üzvləri də hərəkətə keçib.

Axar.az xəbər verir ki, İngiltərə vətəndaşı olan və Xədicə Dare olduğu bilinən terrorçu qadın "ingilis başı kəsən ilk qadın" olmaq istədiyini bildirib.

Xədicə adlı terrorçu "Muhajirah fi Sham" adı ilə Tvitter hesabında bu istəyini qeyd edib: "Jurnalistin edam videosunun linkini kim verə bilər? Allahu əkbər. İngiltərə indi titrəməlidir haha. Mən də ingilis və ya amerikalı bir terrorçu öldürən ilk ingilis qadın olmaq istəyirəm".

Onu da bildirək ki, İŞİD sıralarına qatılan terrorçu qadın öz Tvitter hesabında AK-74 tipli avtomatla fotoşəkil çəkdirən oğlunun şəkilini paylaşıb.

Xatırladaq ki, Xədicə Dare adlı terrorçu qadın 2012-ci ildən bəri Suriyanın Rakka şəhərində İsveç vətəndaşı olan əri Əbu Bəkr ilə birgə yaşayır.