Ukrayna ordusunun ehtiyatları və yanacağı bitmək üzrədir.

Axar.az xəbər verir ki, bu açıqlama ilə Polşanın Quru Qoşunlarının eks-komandiri general Valdemar Skjipçak çıxış edib.

O, NATO-nun Ukrayna ordusuna silah yardımı etməli olduğunu bildirib:

"Ölkənin şərqində olan konflikt büdcəni pis vəziyyətə salıb. Bu isə yaxın aylarda Ukrayna iqtisadiyyatına öz təsirini göstərəcək. Qərb mütləq Kiyevə yardım etməlidir. Polşanın marağında yalnız güclü Ukraynadır və ona görə də Varşava özünü Kiyevin silahlandırılmasından təcrid etməməlidir. Əgər sentyabrda NATO-nun şərq qolunun gücləndirilməsi ilə bağlı qərar qəbul olunmasa bu, Polşanın təhlükəsizliyinin zəifləməsinə səbəb olacaq. Ümidvaram ki, NATO Avropa İttifaqı kimi hərəkət etməyəcək".