Ana səhifə Planet |
ABŞ Prezidenti Donald Tramp və ölkənin birinci xanımı Melaniya Tramp Şimali Koreyanın azadlığa buraxdığı 3 ABŞ vətəndaşını Vaşinqton yaxınlığındakı Müqəddəs Endryu aviabazasında qarşılayıb.
Axar.az xəbər verir ki, qarşılama mərasimində açılan nəhəng ABŞ bayrağı diqqət çəkib.
Xatırladaq ki, azadlığa buraxılan ABŞ vətəndaşları liderlərin tarixi görüşü ərəfəsində Şimali Koreyaya səfər edən Dövlət katibi Mayk Pompeo ilə birlikdə ölkəyə qayıdıblar. Ölkə başçısı və birinci xanım əvvəlcə təyyarəyə minərək ABŞ-a qayıdan şəxslərlə bir müddət təkbətək görüşüblər.
“Bu 3 möhtəşəm insan üçün bu gün xüsusi bir gecə olacaq. Şimali Koreya ilə yeni bir münasibətə başlayırıq”, - Tramp deyib.
Qeyd edək ki, ABŞ vətəndaşı olan Kim Donq-çul, Kim Sanq-duk və Kim Hak-sonq bir müddətdir ki, casusluq ittihamı ilə Şimali Koreyada saxlanılırdı.
Tarix
2018.05.10 / 13:54
|
Müəllif
Orxan Tağıyev
|