Mayın 14-də ABŞ səfirliyinin Təl-Əvivdən Qüdsə köçürülməsi Fələstində ciddi toqquşmalara gətirib çıxardı. Fələstinlilərin Qüdsün İsrail paytaxtı kimi tanınmasına və ABŞ səfirliyinin bura köçürülməsinə qarşı etirazına ordu tərəfindən sərt qarşılıq verildi və nəticədə 61 nəfər həlak oldu, 2700-dən çox insan yaralandı.

Axar.az xəbər verir ki, müsəlman ölkələrində belə Fələstinin müdafiəsi ilə bağlı ictimai müzakirələr getdiyi bir vaxtda ötən ilin dekabrında “Yeni Şəfəq”in hazırladığı süjet bir daha gündəmə gəlib. Belə ki, ötən il ABŞ Prezidenti Donald Trampın səfirliyin Qüdsə köçürülməsi ilə bağlı qərarından sonra da anoloji müzakirələr başlamış, fələstinlilərin məsələyə baxışı dünyaya təqdim edilmişdi.

Ən maraqlı da sözügedən süjet sayılırdı. Çünki “uşaq yalan danışmaz”. Bu süjetdə fələstinli uşaqların İsraili bir dövlət kimi görməməsi və Qüdslə bağlı qəti mövqeləri düşündürücüdür.

Hazırda yenidən aktuallaşan və fələstinlilərin baxışını dəyərləndirmək üçün paylaşılan süjeti təkrar təqdim edirik: