"Şaxtyorsk" batalyonunun komandir müavini Ruslan Onişenkonun başına terrorçular 100 min dollar pul qoyublar.

Axar.az Unian-a istinadla xəbər verir ki, bu barədə DİN rəhbərinin müşaviri Anton Geraşenko sosial şəbəkədəki profilində yazıb. Onun sözlərinə görə, Onişenko soyadı terrorçulara yaxşı məlumdur, çünki o, doğma Şaxtyorsk uğrunda savaşlarda separatçılara qarşı diversiya əməliyyatlarına əla idarə edir:

"Onişenkonun 90-cı illərdə qanunlarla bağlı xeyli problemi olub, amma hazırda o, Şaxtyorskın azad olunmasında heç nə əsirgəmir". Geraşenko onu da bildirib ki, Donetçində 2 yük maşını, "Rapira" topu və silahları Onişenkonun rəhbərlik etdiyi qrup ələ keçirib.