Amerikalı jurnalistin başını kəsən"Cihadi Con" ləqəbli İŞİD-çinin atası L.Cinni öldürülmüş "Əl-Qaidə" lider Usamə bin Ladenin ən yaxın köməkçilərindən biri olub.

Axar.az xəbər verir ki, bu barədə "Deyli meyl" qəzeti məlumat yayıb. Məlumatda bildirilir ki, amerikalı jurnalistin başını kəsən reperin atası L.Cinni Keniya və Tanzaniyada ABŞ səfirliklərinə bombalı hücumun təşkilində ittiham olunur. O, hazırda Manhettendə islah mərkəzlərindən birində saxlanılır.

23 yaşlı İŞİD-çi reper oxuduğu mahnıların mətnlərində tez-tez atasının həbs olunduğunu qeyd edir.

Xatırladaq ki, avqustun 19-da sosial şəbəkələrdə İŞİD döyüşçüsünün Amerikalı jurnalist Ceymz Folinin başını kəsdiyi anın görüntüləri yayılıb. Sonradan İŞİD döyüşçüsünün 23 yaşlı İngiltərə vətəndaşı, köhnə reper olduğu məlum olub.