"Rəsmi Ottava Arktikada öz marağını və müstəqilliyini qorumaq üçün lazım gələrsə, Rusiya qarşı savaşmağa hazırdır".

Axar.az Rusiya mediasına istinadən xəbər verir ki, bu barədə Danimarkanın "Berlingske" qəzetinə açıqlamasında Kanadanın Xarici İşlər naziri Con Berd Moskvanın Arktikada hərbi potensialını artırmasına münasibətini bildirərkən deyib.

Onun sözlərinə görə, ölkəsi hadisələrin hər cür inkişafına hazırdır və lazım gələrsə, silahdan da istifadə ediləcək. Bununla belə, Berd hesab edib ki, Kanada yaranmış vəziyyətin sülh yolu ilə həllinə tərəfdardır:

"Soyuq müharibə başlamayıb. Odur ki, silahların tez işə düşməsini yersiz sayırıq".

Xatırladaq ki, təhlükəsizliyi üçün Kanada 2008-ci ildən etibarən Arktikada mütəmadi hərbi təlimlər keçirir. Moskva hələ də bu manevrlərə dəvət olunmayıb.