Ukraynanın şərqində separatçılarla birləşən Rusiya silahlı qüvvələri Novoazovsk ətrafında 7 qəsəbəni işğal edib.

Axar.az xəbər verir ki, Ukrayna Milli Müdafiə Şurasından verilən məlumata görə, Donetskin cənubunda 7 qəsəbəni nəzarətə götürən birləşmiş qüvvələr irəliləməkdə davam edir. Rusiya ərazisindən ağır artilleriya ilə atəşin davam etdiyini bildirən rəsmilər Rusiya silahlı qüvvələrinə məxsus pilotsuz təyyarələrlə də ərazinin bombardman etdiyini qeyd edib.

Ukrayna Təhlükəsizlik Şurasının mətbuat katibi Andrey Lysenko son 24 saat ərzində separatçılarla ordu qüvvələri arasında 14 şəhərdə 34 qarşıdurma yaşandığını, qarşıdurmalarda 13 Ukrayna əsgərinin öldüyünü bildirib. Lysenko Rusiya Federasiyasına aid silahlı qüvvələrin 3 desant vertolyotunun Kerson bölgəsindən Ukrayna hava ərazisinə girdiyini vurğulayıb.

Hava sahəsini pozan 3 vertolyotun Krım Muxtar Respublikası ərazisindən Ukraynanın 500 metr daxilinə qədər girdiyini, sərhəd xətti boyunca kəşfiyyat uçuşu həyata keçirdikdən sonra geri döndüyünü bildirib.