200 İŞİD üzvünün Londana gəlməsi İngiltərəni narahat edib.

Axar.az xəbər verir ki, İngiltərə polis təşkilatının rəhbəri Sir Bernard Hoqan-Hove İraq və Suriyada döyüşmüş təxminən 200 nəfərin bu saatlarda Londonda olduğunu söyləyib.

İngiltərənin "Eveninq Standart" qəzetinin verdiyi xəbərə görə, Hoqan-Hove son zamanlarda İŞİD-in gedərək artan təhdidlərinə qarşı ölkəyə girişlərin daha möhkəm nəzarət altında saxlanılmasının lazım olduğunu bildirib.

Bernard İngiltərədən ən azı 500-600 nəfərin Suriya və İraqa getdiyini və ən azı 250 nəfərin ölkəyə geri döndüyünü iddia edib. O, ölkəyə qayıdanların və xüsusilə onların Londonda olmasının İngiltərə üçün narahatlıq yaratdığını qeyd edib.