Ukrayna 2 zabitinin 12 rus döyüşçüsü ilə birlikdə partlayışa düşməsi haqqında xəbər yayıb.

Axar.az Ukrayna Müdafiə Nazirliyinin məlumatına istinadən xəbər verir ki, Ukraynanın iki yaralı zabiti özlərini 12 rus desantı ilə birlikdə partladıb. MN nümayəndəsinin sözlərinə görə, söhbət Ukrayna Silahlı Qüvvələrinin 51-ci briqadasının döyüşçüləri mayor Aleksandr Kandesyuk və Aleksey Şepelyukdan gedir.

Mənbə xəbər verir ki, rus qoşunlarının hücumu nəticəsində USQ-nin 51-ci briqadası mahasirəyə düşüb. Briqada üzvləri məhv edilib. Sağ qalmış iki yaralı zabit əsir düşmək istəməyərək onları əhatəyə almış və təslim olmağı tələb edən 12 rus desantı ilə birlikdə özlərini də məhv ediblər. Hazırda Antiterror əməliyyatının komandanlığı hər iki döyüşçünün "Ukraynanın qəhrəmanı" adı ilə təltif olunmasına dair təqdimat hazırlayır.

Xatırladaq ki, RF MN pus qoşunlarının və rus hərbi texnikasının Ukrayna ərazisinə girməsini hər vəchlə təkzib edir. Və yuxarıda haqqında bəhs edilən əməliyyatda da heç bir rus desantının iştirak etmədiyini bildirir.