İyunun 4-də Menbiçin yol xəritəsi ilə bağlı ABŞ rəsmiləri ilə görüşlər olacaq.

Axar.az xəbər verir ki, bu sözləri Türkiyənin Ədliyyə naziri Əbdülhəmid Gül deyib.

“Bu mövzu ilə bağlı bütün proseslər diqqətlə izlənilir. Təhlükəsizlik Şurasında bu məsələ müzakirə olundu. ABŞ ilə qarşılıqlı mənafelərin qorunması mövzusunda gərəkli addımların atılacağını düşünürük. Bu, Suriya məsələsinin həll yoluna qovuşmasında bir mərhələ olacaq”, - deyə nazir bildirib.

Qeyd edək ki, ABŞ-ın YPG/PKK terror təşkilatından uzaqlaşması və Türkiyə ilə Suriya məsələsində maraqlarını uzlaşdıracağı barədə məlumat yayılıb.