Məhərrəm İncə prezident seçildikdən sonra demokratik parlamentli sistemin formalaşdırılması üçün partiyalara çağırış etməlidir.

Axar.az xəbər verir ki, bunu “Sözcü” qəzetinə açıqlamasında Cümhuriyyət Xalq Partiyasının sədri Kamal Kılıçdaroğlu deyib.

“Tərəflər bu barədə razılaşdıqdan sonra bu, parlamentdə dəstəklənməlidir. Parlamentli sistemin qüvvələr ayrılığı fikri ilə formalaşdırılması yeni bir konstitusiya tələb edir. Biz Millət Birliyini (CHP, İYİ, Səadət Partiyası və Demokratik Partiya) formalaşdıran partiyalar olaraq konstitusiya dəyişikliyi üçün fəaliyyətə başladıq. Buna İbrahim Kaboğlu rəhbərlik edir. Hazırlığımız İncənin prezident seçilməsindən sonra başlamayacaq. Biz buna çoxdan başlamışıq”, – deyə o bildirib.