İranın Dövlət Televiziya və Radio Təşkilatının sədri Əli Əsgərinin adı ABŞ-ın sanksiyalar siyahısına salınıb. ABŞ-ın mətbuat nümayəndəsinə qarşı sanksiya tətbiq etməsi İranda birmənalı qarşılanmayıb.

Axar.az xəbər verir ki, İran mətbuat nümayəndəsinə qarşı sanksiyanın tətbiq edilməsini ABŞ-ın həqiqətlərin televiziya vasitəsi ilə yayımlanmasından narahat olması kimi dəyərləndirib.

Əli Əsgərinin özü isə bildirib ki, ABŞ İran xalqının səsinin dünyaya çıxmasından qorxduğu üçün belə qanunsuz addım atıb. O qeyd edib ki, adının qadağalar siyahısına salınmasına baxmayaraq, öz fəaliyyətini davam etdirəcək və İran İslam İnqilabının nailiyyətlərini daha əhatəli şəkildə təbliğ edəcək.